Jarduerak

Zesta – puntako ariketak:

Beroketa jolas bezala katearen jokoan ibiliko dira ikasleak. Bat harrapatutakoan, eskutik helduta joango dira denak harrapatu arte	5’
Binaka jarrita, bakoitzak saski bat izango du eta bikoteak paretaren aurrean ipiniko dira. Bikote bateko kideak pilota frontisera bota beharko du eta besteak saskian satu beharko du. Bi kideak funtzioak txandakatzen joango dira.	5’
Bikoteak mantenduz, ariketa konplexugo batera pasako gara. Oraingoan partida bat izango balitz bezala, bi kideek pilota jaurti eta jaso saskiarekin egin beharko dute.	10’
Bikoteak batuz, lau pertsonako partidak egingo ditugu, 2:2. Benetako zesta-puntako partiduaren arauak jarraituko ditugu eta partidak 3 tantotara izango dira.	10’

Palako ariketak:

Pelotarekin familiarizatzen hasteko 6 pertsonen taldeak egingo ditugu posesio jolasak egiteko. 6 pertsonen artean bi talde egingo dira eta pelotaren jabetza ahalik eta denbora gehien edukitzea saiatu beharko dira.	5’
Binaka jarrita bi kideek frontisera botako dute pelota, eta batak bestearen atzetik emango dio honi. Kirol ezagunagoa denez, ikasleei pilotari emateko era desberdinak probatzeko esango diegu, kirolarekin azkarrago familiarizatzeko.	5’
Sakea landuko dugu. Ikaslearen indarraren arabera 1 edo 2ko marran kokatuko dira sakea egiteko eta beste kideak jokaldia jarraizen saiatu beharko du.	10’
Binakako partidak egingo ditugu 4 tantoetara palako arauak jarraituz.	10’

Esku pilota ariketak:

Binaka, pilotaren ezaugarriak ezagutu eta eskuak berotzeko, paretaren aurka kolaborazio ariketa. Helburua ahalik eta peloteo luzeena egitea izango da. Bitartean, antolatzaileok aldaera ezberdinak proposatzen joango gera biko bakoitzari modu indibidualizatuan, haien mailara egokitzeko (esku batekin, bestearekin, airez…)	10’
“Barrene jokoa” aldaera batekin. Txarra egin ondoren, jokoa amaitu arte kanpoan egon beharrean, kantxako beste muturrera joango dira, hango barrean jartzeko (ez du amaitzea itxaron behar). Beraz, modu honetan, kantxaren alde bakoitzean “barrene” bat egongo da, eta jokalariak alde batetik bestera mugituko dira jolasteari utzi gabe.	10’
Lau zelai murriztu sortuko dira (bi txokoaren aurka, bat frontisean eta bestea errebotean). Zelai murriztu hauetan, 2:2ko partidu motzak jokatuko dira. Partiduak ez dira puntu jakin batera izango baizik eta 2minutuko iraupenekoak izango dira. Bikote erdiak, erlojuaren noranzkoan aldatuko dira kantxaz, eta beste erdiak kontrakoan. Honen bidez, partidu motzak lortuko ditugu, maila alde handiak badaude ez izateko aspergarria, eta beste aldetik denbora izatean partiduaren amaiera ematen duena, emaitzari garrantzia txikitu eta denek denbora berdina jokatzen dutela ziurtatuko degu.	10’